大家玩手沖嘅時候，有冇仔細考慮過温度呢件事呢？☕️
大家常話用90度水，94度水沖，你肯定温度準確嗎？🧐
温度高低會影響到萃取咖啡風味快慢，特別屋企冇温度計朋友，你屋企沖啡，憑感覺沖，風味可想而知😹
➡️今次實驗可見，以90度熱水作測試，以開壺蓋形式沖，V60 (01) 樹脂材質作測試，冇洗濾紙：
悶蒸（水落到濾杯中，（粉層温度顯示77.4度）悶蒸結束後升到80度
整個沖煮過程，濾杯內温度大約84-85度左右，要留意的是手沖壺內温度，2分鐘時間由90度跌至85.9 度（室內冇開冷氣）（跌咗接近5度）
另外以洗濾紙方式及用熱水加熱濾杯，過程中濾杯温度冇太大變化，反而悶蒸（水落到濾杯中），粉層温度顯示78.9度，悶蒸結束後升到80度（多1度）
整體嘅風味冇太大不同，而TDS及甜度亦都接近（tds:1.18% , brix: 1.74%）
➡️☕️結論如下：
1.需要留意是手沖壺內溫度在沖煮的期間會下跌接近5度，如果壺內水量太少，甚至冇蓋上保溫，會影響到中後段沖煮水溫度不同。
2.以樹脂材質濾杯作測試，洗濾紙與否對於暖杯的效果及濾杯內的沖煮溫度影響不大，所以不洗濾紙亦無不可（不用太執著呢個位）（個人意見）
3.測試顯示當90度水落到咖啡粉層後，粉層中的水大約以85度左右與咖啡粉進行接觸以及萃取，當使用浸泡式手法及工具作沖煮咖啡，有機會會影響到咖啡萃取的效果，這點也需要留意，認真思考當中萃取溫度是否你需要的。
4.手沖壺內保温效果重要，失温太快會令到沖煮中萃取温度逐步下降，影響萃取。
☕️🌿認識好多初學朋友屋企冇認真量度水溫而憑感覺，對於咖啡風味及萃取亦有相當的影響
除咗手法及粉水比外，亦都可以考慮水溫控制，這值得我們去心思熟慮😸
手沖咖啡科學化，數據化，把每一個細節變得可控，沖起來就事半功倍。
Gaafesi Coffee Training Studio
Comentarios